'ഫെമിനിച്ചി ഫാത്തിമ' ഒക്ടോബര് 10-ന് റിലീസ്; തീയേറ്ററുകളിലെത്തിക്കുക ദുല്ഖര് സല്മാന്റെ വേഫെറര് ഫിലിംസ്
കൊച്ചി: ഫാസില് മുഹമ്മദ് രചനയും സംവിധാനവും നിര്വഹിച്ച 'ഫെമിനിച്ചി ഫാത്തിമ' ഒക്ടോബര് 10-ന് തീയേറ്ററുകളിലെത്തും. ദുല്ഖര് സല്മാന്റെ വേഫെറര് ഫിലിംസ് ആണ് ചിത്രം കേരളത്തില് വിതരണം ചെയ്യുന്നത്. എഎഫ്ഡി സിനിമാസുമായി സഹകരിച്ച് സുധീഷ് സ്കറിയയും താമര് കെ.വിയും ചേര്ന്ന് നിര്മിച്ച ചിത്രം അവതരിപ്പിക്കുന്നത് താമര് ആണ്. ഇതിനോടകം തന്നെ പ്രശസ്ത ചലച്ചിത്രമേളകളില് വലിയ നിരൂപക പ്രശംസയാണ് ചിത്രം നേടിയെടുത്തത്.
ഐഎ്എഫ്കെ- ഫിപ്രസി മികച്ച അന്താരാഷ്ട്ര ചിത്രം, നെറ്റ്പാക് മികച്ച മലയാള ചിത്രം, സ്പെഷ്യല് ജൂറി അന്താരാഷ്ട്ര ചിത്രം, ഓഡിയന്സ് പോള് അവാര്ഡ്- ഐഎഫ്എഫ്കെ, എഫ്എഫ്എസ്ഐ കെ.ആര്. മോഹനന് അവാര്ഡ്, ബിഐഎഫ്എഫ് ഏഷ്യന് മത്സരത്തില് പ്രത്യേക ജൂറി പരാമര്ശം, ബിഷ്കെക് ഫിലിം ഫെസ്റ്റിവല് കിര്ഗിസ്ഥാനിലെ ഔദ്യോഗിക തിരഞ്ഞെടുപ്പ്, ഫിപ്രസി ഇന്ത്യ 2024-ലെ മികച്ച രണ്ടാമത്തെ ചിത്രം, 2024-ലെ കേരളത്തിലെ മികച്ച ചിത്രത്തിനും മികച്ച രണ്ടാമത്തെ നായികക്കുമുള്ള ക്രിട്ടിക്സ് അവാര്ഡ്, മികച്ച സംവിധായകനും മികച്ച തിരക്കഥക്കുമുള്ള പത്മരാജന് അവാര്ഡ്, മികച്ച ചിത്രത്തിനും മികച്ച രണ്ടാമത്തെ നടനുമുള്ള ജെസി ഡാനിയേല് ഫൗണ്ടേഷന് അവാര്ഡ്, മികച്ച നടിക്കും മികച്ച തിരക്കഥക്കുമുള്ള പ്രേംനസീര് ഫൗണ്ടേഷന് അവാര്ഡ്, മികച്ച രണ്ടാമത്തെ ചിത്രത്തിനുള്ള സത്യജിത്ത് റായ് ഫിലിം സൊസൈറ്റി അവാര്ഡ്, ഇന്തോ- ജര്മന് ഫിലിം ഫെസ്റ്റിവലില് ഔദ്യോഗിക തിരഞ്ഞെടുപ്പ്, മെല്ബണ് ഫിലിം ഫെസ്റ്റിവല് തിരഞ്ഞെടുപ്പ് എന്നിവയുള്പ്പെടെ ഒട്ടേറെ അംഗീകാരങ്ങളും വേദികളുമാണ് ചിത്രത്തിന് ഇതിനോടകം ലഭിച്ചത്. സംവിധായകന് ഫാസില് മുഹമ്മദ് തന്നെയാണ് ചിത്രം എഡിറ്റ് ചെയ്തിരിക്കുന്നത്.
Related News
Dont Miss it
0 comments