ഐഡിഎസ്എഫ്എഫ്കെ: ഡെലിഗേറ്റ് രജിസ്‌ട്രേഷൻ ആരംഭിച്ചു

തിരുവനന്തപുരം: സംസ്ഥാന ചലച്ചിത്ര അക്കാദമി 22 മുതൽ 27 വരെ തിരുവനന്തപുരത്ത് സംഘടിപ്പിക്കുന്ന 17മത് കേരള രാജ്യാന്തര ഡോക്യുമെന്ററി, ഹ്രസ്വ ചലച്ചിത്രമേളയുടെ (ഐഡിഎസ്എഫ്എഫ്കെ) ഡെലിഗേറ്റ് രജിസ്‌ട്രേഷൻ ആരംഭിച്ചു. പൊതു വിഭാഗത്തിന് 590 രൂപയും വിദ്യാർഥികൾക്ക് 354 രൂപയുമാണ് ജിഎസ്ടി ഉൾപ്പടെ ഫീസ്. രജിസ്ട്രേഷന് വെബ്സൈറ്റ്: https://registration.iffk.in.

മേളയുടെ ഓഫ്‌ലൈൻ രജിസ്‌ട്രേഷൻ വെള്ളിയാഴ്ച മുതൽ കൈരളി ശ്രീ നിള തിയേറ്ററിലെ ഡെലിഗേറ്റ് സെല്ലിൽ നിന്നും ചെയ്യാം. ആറു ദിവസങ്ങളിലായി നടക്കുന്ന മേളയിൽ മത്സര, മത്സരേതര ഡോക്യുമെന്ററികൾ, ഷോർട്ട് ഫിലിമുകൾ, ക്യാമ്പസ് ചിത്രങ്ങൾ, മ്യൂസിക് വീഡിയോ തുടങ്ങി വിവിധ വിഭാഗങ്ങളിലായി 300 ലധികം ചിത്രങ്ങൾ പ്രദർശിപ്പിക്കും.

​