ജനവാസമേഖലയിലിറങ്ങിയ കാട്ടാനകളെ തുരത്തി

ആറളം

ഫാം ആദിവാസി പുനരധിവാസ മേഖലയിലെ ബ്ലോക്ക് 13 ഓടച്ചാൽ ഭാഗത്ത് നിലയുറപ്പിച്ച രണ്ട് കാട്ടാനകളെ കാടുകയറ്റി. കൊട്ടിയൂർ റേഞ്ചർ നിതിൻ രാജ്, ആർആർടി ഡെപ്യൂട്ടി റേഞ്ചർ ഷൈനികുമാർ എന്നിവരുടെ നേതൃത്വത്തിൽ 20 അംഗ ദൗത്യസംഘമാണ് ആനകളെ തുരത്തിയത്. വലിയ മോഴ, മൊട്ടുകൊമ്പൻ ആനകളെയാണ് ഏറെനേരത്തെ പരിശ്രമത്തിനുശേഷം ഓടച്ചാൽ തൂക്കുവേലി കടത്തി ഉരുപ്പുകുന്ന് ഭാഗത്തേക്ക് തുരത്തിയത്.