Deshabhimani

സുപരിചിതൻ കർമനിരതൻ

പടപ്പേങ്ങാട് ആലിന്‍കീഴിലെ നാട്ടുചര്‍ച്ചയില്‍ കാരണവന്മാര്‍ക്കൊപ്പം ജില്ലാ പഞ്ചായത്ത് പരിയാരം ഡിവിഷന്‍  എൽഡിഎഫ്‌ സ്ഥാനാര്‍ഥി പി രവീന്ദ്രന്‍
avatar
ന‍ൗഷാദ്‌ നടുവിൽ

Published on Nov 20, 2025, 03:00 AM | 1 min read

ആലക്കോട് "ചെറുതിലേ കാണുന്നതാ ഇവനെ. നാട്ടിലെ ഏതുകാര്യത്തിനും കൂടെയുണ്ടാകുന്നവനാ. ആദ്യമായാണ്‌ സ്ഥാനാര്‍ഥിയാകുന്നത്‌. നല്ല ഭൂരിപക്ഷത്തിൽ വിജയിക്കും ഉറപ്പാണ്‌.’’ പടപ്പേങ്ങാടെ എ കെ കുഞ്ഞമ്പുവും മേലേടത്ത് നാരായണനും ടി ബാലകൃഷ്‌ണനും എന്‍ നാരായണനും ഒരേ സ്വരത്തിൽ പറഞ്ഞു. എല്ലാവര്‍ക്കും എൺപതിനടുത്താണ്‌ പ്രായം. വൈകുന്നേരമായാല്‍ പടപ്പേങ്ങാട് ആലിന്‍കീഴില്‍ ഒത്തുചേരും. ഇരുട്ട് പടരുമ്പോഴാണ് വീട്ടിലേക്ക് മടങ്ങുക. ആലിന്‍കീഴിലെ ആ ഒത്തുചേരലിലേക്കാണ്‌ പരിയാരം ജില്ലാ പഞ്ചായത്ത്‌ ഡിവിഷന്‍ എൽഡിഎഫ്‌ സ്ഥാനാര്‍ഥിയും നാട്ടുകാരനുമായ പി രവീന്ദ്രന്‍ എത്തിയത്‌. നാലരപ്പതിറ്റാണ്ടുകാലത്തെ രാഷ്ട്രീയപ്രവര്‍ത്തനംകൊണ്ട് പ്രദേശത്താകെ ചിരപരിചിതനായ പി രവീന്ദ്രന് നാട്ടിൽ മുഖവുരയുടെ ആവശ്യമില്ല. കടന്നപ്പള്ളി–പാണപ്പുഴ പഞ്ചായത്തും ചപ്പാരപ്പടവ് പഞ്ചായത്തിലെ 13 വാര്‍ഡും പരിയാരം പഞ്ചായത്തിലെ 12 വാര്‍ഡും നടുവില്‍ പഞ്ചായത്തിലെ വിളക്കന്നൂര്‍ വാര്‍ഡും അടങ്ങുന്നതാണ് ജില്ലാ പഞ്ചായത്ത് പരിയാരം ഡിവിഷന്‍. എല്‍ഡിഎഫ് സ്ഥാനാര്‍ഥിയായ പി രവീന്ദ്രന്‍ ഒന്നാംഘട്ട പ്രചാരണം പൂര്‍ത്തിയാക്കി. ഡിവിഷന്‍ പരിധിയിലെ മുഴുവന്‍ ടൗണുകളിലും വ്യാപാര സ്ഥാപനങ്ങളിലും തൊഴില്‍ കേന്ദ്രങ്ങളിലുമെത്തി വോട്ടര്‍മാരെ കണ്ടു. ദേശാഭിമാനി ബാലസംഘം പടപ്പേങ്ങാട് യൂണിറ്റ് സെക്രട്ടറിയായി സാമൂഹ്യ പ്രവര്‍ത്തനം തുടങ്ങിയ രവീന്ദ്രന്‍ രണ്ട് തവണ ബാലസംഘം ജില്ലാ സെക്രട്ടറിയും യുവജന സംഘടനയുടെ ജില്ലാ നേതാവായും പ്രവര്‍ത്തിച്ചു. നിലവില്‍ കര്‍ഷകസംഘം ആലക്കോട് ഏരിയാ സെക്രട്ടറി, ജില്ലാ കമ്മിറ്റിയംഗം, സിപിഐ എം ആലക്കോട് ഏരിയാ കമ്മിറ്റിയംഗം എന്നീ നിലകളില്‍ പ്രവര്‍ത്തിക്കുന്നു. ​



deshabhimani section

Related News

View More
0 comments
Sort by

deshabhimani section

Dont Miss it

V D Satheesan VEH Global

01

print edition അഴിമതി ഫയലിന്‌ ഓവർ സ്‌പീഡ്; ധന, നിയമ വകുപ്പുകൾ കാണാത്തത്‌ ദുരൂഹം
Paravur Taluk Hospital medical negligence Abdul Jabbar protest

02

print edition മുഖ്യമന്ത്രിയുടെ മണ്ഡലത്തിലെ ചികിത്സാപിഴവ്: കാൽ നഷ്‌ടമായ അബ്‌ദുൾ ജബ്ബാർ സമരം തുടങ്ങി
Flemy Abraham with bjp leaders

03

print edition ഇരട്ടനഗരം പദ്ധതി സംശയമുനയിൽ; ഒ‍ൗദ്യോഗിക ചർച്ചയിൽ വിവാദ ഇടനിലക്കാരൻ
Sabarimala opening day pilgrim rush

04

print edition ആദ്യദിനം 
തീർഥാടകപ്രവാഹം; ഒരുക്കങ്ങളിൽ ഏകോപനമില്ല
Haritha Karma Sena Alakkode

05

print edition പൊന്നിനേക്കാൾ തിളങ്ങുന്നു ഹരിതകർമസേന; പ്ലാസ്‌റ്റിക്കിൽനിന്ന്‌ കിട്ടിയത്‌ അഞ്ചേമുക്കാൽ പവൻ
deshabhimani section

Recommended

Deshabhimani
Home