ജലസമൃദ്ധിക്കായി അന്നമനടയിൽ 
4.5 കോടിയുടെ പദ്ധതികൾ

മേലഡൂർ

ജലവിഭവ വകുപ്പിന്റെയും അന്നമനട പഞ്ചായത്തിന്റെയും സംയുക്ത നേതൃത്വത്തിൽ ജലസംരക്ഷണ രംഗത്ത് നടപ്പാക്കിയ വിവിധ വികസന പദ്ധതികൾ വി ആർ സുനിൽകുമാർ എംഎൽഎ ഉദ്ഘാടനം ചെയ്‌തു. സംസ്ഥാന ബജറ്റിൽ ഉൾപ്പെടുത്തി 1.5 കോടി രൂപ വിനിയോഗിച്ച് ചിറയംചാൽ കുളം നവീകരണ പദ്ധതിയുടെ ഒന്നാം ഘട്ട നിർമാണം പൂർത്തിയാക്കിയതിന്റെയും 1.81 കോടി രൂപ ഉപയോഗിച്ച് ആരംഭിക്കുന്ന രണ്ടാം ഘട്ട നിർമാണത്തിന്റെയും 50 ലക്ഷം രൂപ ഉപയോഗിച്ച് ചങ്ങംകുളങ്ങര ക്ഷേത്രക്കുളം കെട്ടി സംരക്ഷണം പൂർത്തിയാക്കിയതിന്റെയും 75 ലക്ഷം രൂപ ഉപയോഗിച്ച് അന്നമനട കുടുംബി ഉന്നതിയിലെ ചാലക്കുടി പുഴയോരം സൈഡ് കെട്ടി സംരക്ഷണം പൂർത്തീകരിച്ചതിന്റെയും ഉദ്ഘാടനമാണ് നടന്നത്. പഞ്ചായത്ത് പ്രസിഡന്റ് പി വി വിനോദ് അധ്യക്ഷനായി. വൈസ് പ്രസിഡന്റ്‌ സിന്ധു ജയൻ, ടി കെ സതീശൻ, മഞ്ജു സതീശൻ, കെ എ ബൈജു, ടി വി സുരേഷ് കുമാർ, ഷീജ നസീർ, മോളി വർഗീസ്, ബിനിൽ പ്രതാപൻ, പീതാംബരൻ പള്ളിപ്പാട്ട്, ശ്യാമള അയപ്പൻ, കെ കെ ബിനീഷ് എന്നിവർ സംസാരിച്ചു.