സ്കൂൾ കെട്ടിട നിർമാണത്തിന്‌ തുടക്കം

ആമ്പല്ലൂർ

അളഗപ്പനഗർ എൽപി സ്കൂൾ കെട്ടിട സമുച്ചയ നിർമാണം കെ കെ രാമചന്ദ്രൻ എംഎൽഎ ഉദ്ഘാടനം ചെയ്തു. വിദ്യാഭ്യാസ വകുപ്പിന്റെ പ്ലാൻ ഫണ്ടിൽനിന്നുള്ള ഒരുകോടി രൂപ ചെലവിട്ടാണ്‌ നിർമാണം. അളഗപ്പനഗർ പഞ്ചായത്ത്‌ പ്രസിഡന്റ്‌ ഭാഗ്യവതി ചന്ദ്രൻ അധ്യക്ഷയായി. കൊടകര ബ്ലോക്ക്‌ പഞ്ചായത്ത്‌ പ്രസിഡന്റ് അശ്വതി വിബി, ജില്ലാ പഞ്ചായത്ത്‌ സ്ഥിരംസമിതി അധ്യക്ഷ ഷീല ജോർജ്, പഞ്ചായത്ത്‌ വൈസ് പ്രസിഡന്റ് അലക്സ് ചുക്കിരി, പഞ്ചായത്തംഗം പ്രിൻസൺ തയ്യാലക്കൽ എന്നിവർ സംസാരിച്ചു. പൊതുമരാമത്ത്‌ കെട്ടിട വിഭാഗം അസി. എൻജിനിയർ സുജേഷ് പറ്റാളി റിപ്പോർട്ട്‌ അവതരിപ്പിച്ചു.