ഒല്ലൂർ പള്ളിയിലെ തിരുനാൾ 
പ്രദക്ഷിണത്തിന്‌ ആയിരങ്ങൾ

ഒല്ലൂർ

ഒല്ലൂർ സെന്റ് ആന്റണീസ് ഫൊറോന പള്ളിയിൽ വിശുദ്ധ റപ്പായേൽ മാലാഖയുടെ തിരുനാൾ പ്രദക്ഷിണം ആഘോഷമായി. പകൽ മൂന്നോടെ ഇടവക വൈദികരുടെ നേതൃത്വത്തിൽ നടന്ന വിശുദ്ധ കുർബാനയ്ക്ക് ശേഷം വികാരി ഫാ. വർഗീസ് കുത്തൂരിന്റെ നേതൃത്വത്തിൽ പ്രദക്ഷിണം ആരംഭിച്ചു. ​അന്പതിലധികം പൊൻ-, വെള്ളി കുരിശുകൾ, വർണക്കുടകൾ, വാദ്യമേളങ്ങൾ എന്നിവയുടെ അകമ്പടിയോടെ വൻ ജനാവലിയുടെ സാന്നിധ്യത്തിൽ പ്രദക്ഷിണ വഴികളിലൂടെ നീങ്ങി.സഹവികാരിമാരായ ഫാ. ഡേവിസ് പുലിക്കോട്ടിൽ, ഫാ. ജിജോ തറയിൽ, ഡീക്കൻ സേവ്യർ മുല്ലശേരിൽ എന്നിവർ സഹകാർമികരായി. കൈക്കാരന്മാർ, കൺവീനർമാർ, കോ -ഓർഡിനേറ്റർമാർ എന്നിവർ നേതൃത്വം നൽകി.