കാറിടിച്ച് വയോധികൻ മരിച്ചു

കൊച്ചുമോൻ
നെല്ലായി
ഇന്നോവ കാർ ഇടിച്ച് സൈക്കിൾ യാത്രികനായ വയോധികൻ മരിച്ചു. നെല്ലായി പന്തല്ലൂർ പനയത്ത് കൊച്ചുമോൻ (77) ആണ് മരിച്ചത്. ദേശീയ പാത നെല്ലായി തൂപ്പൻകാവ് പാലത്തിന് സമീപം ഞായറാഴ്ച പകൽ പന്ത്രണ്ടരയോടെ ആയിരുന്നു അപകടം. ഉടൻ പുതുക്കാട് താലൂക്ക് ആശുപത്രിയിൽ എത്തിച്ചെങ്കിലും മരിച്ചു. മുൻ ബിഎൽഒ ആയിരുന്ന കൊച്ചുമോൻ ഇപ്പോഴത്തെ ബിഎൽഒയെ സഹായിക്കാൻ പോയതായിരുന്നു.പന്തല്ലൂർ ഗ്രാമീണ വായനശാല പ്രസിഡന്റാണ്. ഭാര്യ: ഓമന. മക്കൾ: കിരൺ, കിഷോർ, ദീപക്. മരുമക്കൾ: ആതിര, കൃപ, പ്രേഷ.









0 comments