തണ്ണീർമുക്കത്ത്‌ 10 വയസുകാരന്‌ 
അമീബിക് മസ്‌തിഷ്‌കജ്വരം

ആലപ്പുഴ

തണ്ണീർമുക്കം സ്വദേശിയായ 10 വയസുകാരനാണ്‌ അമീബിക് മെനിൻജോ എൻസെഫലൈറ്റിസ് സ്ഥിരീകരിച്ചു. കോട്ടയം മെഡിക്കൽ കോളേജിലെ കുട്ടികളുടെ ആശുപത്രിയിലെ ഐസിയുവിൽ ചികിത്സയിലാണ്‌. പനി ബാധിച്ച്‌ 26ന്‌ കുട്ടി ചേർത്തല മതിലകത്തെ സ്വകാര്യ ആശുപത്രിയിൽ ചികിത്സതേടിയിരുന്നു. രോഗലക്ഷണങ്ങളിൽ സംശയം തോന്നിയതിനാൽ കോട്ടയം മെഡിക്കൽ കോളേജിൽ പ്രവേശിപ്പിക്കുകയായിരുന്നു. വിദേശത്തായിരുന്ന കുട്ടിയുടെ കുടുംബം രണ്ട്‌ മാസം മുമ്പാണ്‌ നാട്ടിലെത്തിയത്‌. പള്ളിപ്പുറത്തെ അമ്മവ‍ീട്ടിലെത്തിയ കുട്ടി പരിസരത്തെ കുളത്തിൽ കുളിച്ചതായും സംശയമുണ്ട്‌. രോഗത്തിന്റെ ഉറവിടംകണ്ടെത്താൻ കുട്ടിയുടെ വീട്ടിലെയും അമ്മവീട്ടിലെയും പരിസരത്തെയും വെള്ളം ശേഖരിച്ച്‌ പരിശോധനയ്‌ക്ക്‌ അയക്കും. തണ്ണീർമുക്കത്ത്‌ ഉന്നത ഉദ്യോഗസ്ഥരുടെ നേതൃത്വത്തിൽ യോഗം ചേർന്ന്‌ പ്രതിരോധ നടപടികൾ ചർച്ചചെയ്‌തു.

രോഗലക്ഷണങ്ങൾ ​

അപ്രതീക്ഷിതമായി ഉണ്ടാകുന്ന കഠിനമായ പനിയും തലവേദനയുമാണ്‌ ലക്ഷണങ്ങളിൽ പ്രധാനം. മനംപിരട്ടലും ഇടയ-്‌ക്കിടെയുള്ള ഛർദിയുമുണ്ടാകാൻ സാധ്യതയുണ്ട്. രോഗം ഗുരുതരമാകുമ്പോൾ കഴുത്ത് ചലിപ്പിക്കാൻ ബുദ്ധിമുട്ടനുഭവപ്പെടുകയും നടുവേദനയുണ്ടാകുകയും ബോധം നഷ്‌ടപ്പെടുകയും ചെയ്യും. അപസ്‌-മാരത്തിനും പരസ-്‌പരബന്ധമില്ലാതെ സംസാരത്തിനും ബോധക്ഷയത്തിനും സാധ്യതയുണ്ട്. ഇത്തരം ലക്ഷണങ്ങൾ കണ്ടാൽ വൈകാതെ വൈദ്യസഹായം തേടണം.

ശ്രദ്ധിക്കുക
കെട്ടിക്കിടക്കുന്ന, ഒഴുക്ക് കുറവുള്ള വെള്ളത്തില്‍ മുങ്ങുന്നതും ചാടുന്നതും ഒഴിവാക്കുക • മൂക്കില്‍ വെള്ളം കയറാതിരിക്കാന്‍ നേസല്‍ ക്ലിപ്പ് ഉപയോഗിക്കുക • ശുദ്ധീകരിക്കാത്ത ജലാശയങ്ങളില്‍ നീന്തുമ്പോള്‍ തല വെള്ളത്തിന് മുകളിലായിരിക്കാന്‍ ശ്രദ്ധിക്കണം • ജലാശയത്തിന്റെ അടിത്തട്ടിലുള്ള ചെളി ഇളക്കരുത്‌ • ആവി പിടിക്കുന്നതിന് തിളപ്പിച്ചതോ ഫില്‍ട്ടര്‍ ചെയ-്‌തതോ അണുവിമുക്തമാക്കിയതോ ആയ വെള്ളം ഉപയോഗിക്കുക •നീന്തല്‍ക്കുളങ്ങള്‍, വാട്ടര്‍ തീം പാര്‍ക്കുകള്‍, സ-്‌പാകള്‍ എന്നിവ വൃത്തിയായി സൂക്ഷിക്കുകയും ക്ലോറിനേറ്റ് ചെയ്യുകയുംവേണം • ക്ലോറിനേറ്റ് ചെയ്യാത്ത വെള്ളമാണ് ഉപയോഗിക്കുന്നതെങ്കില്‍ കുളിക്കുമ്പോഴോ മുഖം കഴുകുമ്പോഴോ വെള്ളം മൂക്കിലേക്ക് കയറാതെ നോക്കണം • വാട്ടർ തീം പാർക്കുകൾ, ബയോ റിസർവുകൾ തുടങ്ങി വിനോദസഞ്ചാരകേന്ദ്രങ്ങൾ സന്ദർശിക്കുമ്പോഴും സുരക്ഷ ഉറപ്പാക്കുക.