ഒ ചന്ദ്രശേഖരൻ സ്മാരക ഫുട്ബോൾ ടൂർണമെന്റ്‌ ഗോകുലം എഫ്സി ജേതാക്കൾ

ഇരിങ്ങാലക്കുട

ഒളിമ്പ്യൻ സ്പോർട്ടിങ്‌ എഫ്സിയുടെ നേതൃത്വത്തിൽ അയ്യങ്കാവ് മൈതാനത്ത് നടന്ന പ്രഥമ ഒ ചന്ദ്രശേഖരൻ സ്മാരക ഫുട്ബോൾ ടൂർണമെന്റിൽ ഗോകുലം എഫ്സി കോഴിക്കോട് ജേതാക്കൾ. 2-–1 ന് കേരള പൊലീസിനെയാണ് പരാജയപ്പെടുത്തിയത്. മികച്ച ഗോൾകീപ്പർ: ജി കെ ബിഷോർജിത് (ഗോകുലം എഫ്‌സി), മികച്ച പ്രതിരോധ താരം: അതുൽ കൃഷ്ണ (ഗോകുലം എഫ്‌സി), മികച്ച മിഡ്ഫീൽഡർ: ജംഷീദ് (കേരള പൊലീസ്), മികച്ച ഫോർവേഡ്: ബാബിൾ (കേരള പൊലീസ്), ടൂർണമെന്റിലെ മികച്ച താരം: മോസസ് (ഗോകുലം എഫ്‌സി), ഫൈനലിലെ ആദ്യ ഗോൾ: അക്ഷുമ്മ (ഗോകുലം എഫ്‌സി), മികച്ച ടീം: പിഎഫ്സി കേരള. ​സമാപന ചടങ്ങിൽ കേരള സ്പോർട്സ് കൗൺസിൽ പ്രസിഡന്റ് യു ഷറഫലി മുഖ്യാതിഥിയായി. ക്രൈസ്റ്റ് കോളേജ് മാനേജർ ഫാ. ജോയ് പീണിക്കപ്പറമ്പിൽ, ഡിഎഫ്എ സെക്രട്ടറി റോയി കുര്യൻ, ഒളിമ്പ്യൻ എഫ്സി സെക്രട്ടറി എ വി ജോസഫ്, പ്രസിഡന്റ് എം കെ പ്രഹ്ളാദൻ, സി പി അശോകൻ എന്നിവർ സംസാരിച്ചു.