പന്നിയിറങ്ങി നെൽകൃഷി നശിപ്പിച്ചു

പന്തല്ലൂർ

പറപ്പൂക്കര പഞ്ചായത്തിലെ പന്തല്ലൂരിൽ പന്നി ശല്യം വ്യാപകമാകുന്നു. പന്തല്ലൂർ പാടശേഖരസമിതിയുടെ കീഴിലുള്ള നെൽപ്പാടത്താണ് കൃഷി നശിപ്പിച്ചത്. കിള്ളിക്കുളങ്ങര തിലകന്റെ പാടത്ത് ശനിയാഴ്ച രാവിലെയാണ് ഞാറുകൾ പന്നി ചവിട്ടി നശിപ്പിച്ച നിലയിൽ കണ്ടത്. ഞാറുനടീൽ കഴിഞ്ഞ് 20 ദിവസമേ ആയിട്ടുള്ളൂ. മുന്പും ഇത്തരം സംഭവങ്ങൾ ഉണ്ടായിട്ടുണ്ടെന്ന് കർഷകർ പറയുന്നു.പറമ്പുകളിലെ വാഴ,ചേന,ചേമ്പ്, കപ്പ തുടങ്ങി കൃഷികളും നേരത്തെ നശിപ്പിച്ചിരുന്നു.ഇതിനെതിരെ വനപാലകർക്ക് പരാതി നൽകാൻ തീരുമാനിച്ചതായി പാടശേഖര സമിതി ഭാരവാഹികൾ പറഞ്ഞു.