ആയുർവേദ ഗവേഷണ പ്രബന്ധ 
സംക്ഷിപ്തങ്ങളുടെ സംഗ്രഹം പ്രകാശിപ്പിച്ചു

തൃശൂർ

കരൾരോഗ ചികിത്സയിലെ ആയുർവേദ ഗവേഷണ പ്രബന്ധ സംക്ഷിപ്തങ്ങളുടെ സംഗ്രഹം ആരോഗ്യ സർവകലാശാലാ രജിസ്ട്രാർ ഡോ. എസ് ഗോപകുമാർ പ്രകാശിപ്പിച്ചു. ആയുർവേദ മെഡിക്കൽ അസോസിയേഷൻ ഓഫ് ഇന്ത്യ (എ എം എ ഐ) സംസ്ഥാന ജനറൽ സെക്രട്ടറി ഡോ. പി കെ ഹരിദാസ് ഏറ്റുവാങ്ങി. കേരള ആരോഗ്യ സർവകലാശാലയുടെ കീഴിലെ വിവിധ കോളേജുകളിലെ ആയുർവേദം ബിരുദാനന്തര ബിരുദ വിദ്യാര്‍ഥികളുടെ 40 ​ഗവേഷണ പ്രബന്ധ സം​ഗ്രഹമാണ് പുസ്തകത്തിന്റെ ഉള്ളടക്കം. എഎംഎഐയ്ക്കായിരുന്നു പ്രസിദ്ധീകരണ ചുമതല. എഎംഎഐ സംസ്ഥാന എക്സിക്യൂട്ടീവ് കമ്മിറ്റി അംഗം ഡോ. ആര്‍ വി ആനന്ദ്, സംസ്ഥാന കമ്മിറ്റി അംഗം ഡോ. ഗോപിദാസ്, വടക്കാഞ്ചേരി ഏരിയ പ്രസിഡന്റ് ഡോ. നിതീഷ് കടവത്ത് എന്നിവര്‍ പങ്കെടുത്തു.