കാട്ടാനക്കൂട്ടം നാശം വിതച്ചു

മൂന്നാർ

കന്നിമല എസ്റ്റേറ്റിൽ ഇറങ്ങിയ കാട്ടാനക്കൂട്ടം വ്യാപക നാശം വരുത്തി. വെള്ളി രാത്രി 12.45 ഓടെ ഇറങ്ങിയ മൂന്ന്‌ ആനകളാണ്‌ നാശംവിതച്ചത്. 
 ഈസ്റ്റ് ഡിവിഷനിൽ പ്രവർത്തിക്കുന്ന എഎൽപി സ്കൂളിന്റെ ജനൽ ചില്ലുകൾ തകർത്തു. തുടർന്ന് സ്റ്റോർ റൂമിന്റെ വാതിൽ തകർത്ത് അരിയുൾപ്പെടെ 15 ദിവസത്തേക്ക്‌ കരുതിയിരുന്ന ഭക്ഷ്യസാധനങ്ങൾ നശിപ്പിച്ചു. പ്രഥമാധ്യാപകന്റെ ക്വാട്ടേഴ്സിനും കേടുപാടുവരുത്തി. മൂന്നാറിൽനിന്ന്‌ ആർആർടി സംഘമെത്തി അന്വേഷണം നടത്തി. മുമ്പും സ്കൂളിനുനേരെ കാട്ടാന ആക്രമണം നടന്നിരുന്നു.