വീടുകയറി ആക്രമണം: പ്രതി റിമാൻഡിൽ

കരിമണ്ണൂർ
അമ്മയെയും മകനെയും വീടുകയറി അക്രമിച്ച്​ പരിക്കേൽപ്പിച്ച യുവാവിനെ കരിമണ്ണൂർ പൊലീസ്​ അറസ്റ്റുചെയ്​തു. കണ്ണൂർ തളിപ്പറമ്പ് വെള്ളാട്​ ഭാഗത്ത്​ കുന്നുംപുറത്ത്​ അതുൽ സോമനെയാണ്​(26) പിടികൂടിയത്​. അയൽവാസികൾ തമ്മിൽ വാക്കുതർക്കം ഉണ്ടായതിനെത്തുടർന്ന്​ കരിമണ്ണൂർ പാഴുക്കര പുളിക്കൽ മനു പ്രസാദിനെയും അമ്മ രാധാമണിയെയും മാരകായുധങ്ങൾ ഉപയോഗിച്ച്​ അക്രമിച്ച്​ പരിക്കേൽപ്പിച്ചത്. മനുപ്രസാദിന്റെ വലതുനെഞ്ചിൽ ആറ്​ തുന്നലുണ്ട്​. എസ്​ഐ അലക്​സാണ്ടർ, എസ്​സിപിഒമാരായ രാജേഷ്​, എ ടി അജിത്​ എന്നിവരാണ്​ പ്രതിയെ കസ്റ്റഡിയിലെടുത്തത്​. കോടതി റിമാൻഡ്​ ചെയ്തു.