മദ്യലഹരിയിൽ യുവാക്കള്‍
കാണിക്കവഞ്ചി തകര്‍ത്തു

വെള്ളറട

മദ്യലഹരിയിൽ യുവാക്കള്‍ മണലി സിഎസ്ഐ പള്ളിയുടെ കാണിക്കവഞ്ചി തകർത്തു. ശനി രാത്രിയിലാണ് സംഭവം. ചുരുളിയിലെ പള്ളിയുടെ ആർച്ചിനുസമീപം സ്ഥാപിച്ചിരുന്ന കാണിക്കവഞ്ചിയാണ് തകർത്തത്. മദ്യപിച്ചെത്തിയ സംഘം തമ്മിൽ കൈയാങ്കളിയാകുകയും കാണിക്കവഞ്ചിയുടെ പുറത്തേക്ക് വീഴുകയുമായിരുന്നു. സംഭവമറിഞ്ഞ പള്ളി കമ്മിറ്റി അംഗങ്ങൾ വെള്ളറട പൊലീസിൽ വിവരമറിയിച്ചു. സ്ഥലത്തെത്തിയ പൊലീസ് സിസിടിവി ദൃശ്യങ്ങളുടെ അടിസ്ഥാനത്തില്‍ അന്വേഷണം ആരംഭിച്ചു.