വി സുകുമാരന്റെ ഓർമ പുതുക്കി

കിളിമാനൂർ

അവിഭക്ത കമ്യൂണിസ്റ്റ് പാർടിയുടെ താലൂക്ക് കമ്മിറ്റി അംഗം, സിപിഐ എം കിളിമാനൂർ ലോക്കൽ സെക്രട്ടറി, കർഷക സംഘം ജില്ലാ നേതാവ് എന്നീ നിലകളിൽ പ്രവർത്തിച്ച വി സുകുമാരൻ മാസ്റ്ററുടെ 41-–ാം ചരമവാർഷികം സമുചിതമായി ആചരിച്ചു. ജില്ലാ സെക്രട്ടറി വി ജോയി സ്മൃതിമണ്ഡപത്തിൽ പുഷ്പാർച്ചന നടത്തി മുഖ്യ പ്രഭാഷകനായി. ജില്ലാ സെക്രട്ടറിയറ്റ് അംഗം ബി പി മുരളി, ജില്ലാ കമ്മിറ്റി അംഗം ശ്രീജ ഷൈജുദേവ്, ഏരിയ സെക്രട്ടറി തട്ടത്തുമല ജയചന്ദ്രൻ, ഏരിയ കമ്മിറ്റി അംഗങ്ങൾ ഇ ഷാജഹാൻ, കെ എം ലാജി, എസ് മധുസൂദനക്കുറുപ്പ്, എ ദേവദാസ്, പഞ്ചായത്ത് പ്രസിഡന്റ് എസ് ഷാജു മോൾ, കെ ജി പ്രിൻസ്, എൻ പ്രകാശ്, എ മുരളീധരൻ, എസ് വിദ്യാനന്ദ കുമാർ, ബി പ്രേമചന്ദ്രൻ, ആർ എസ് രമേശ്, കെ ആർ ദാമോദരൻ പിള്ള, എസ് എം റഫീക്ക്, വി തുളസീഭായി, ഭാഗ്യോദയൻ എന്നിവർ സംസാരിച്ചു.