തുറ ഫെസ്റ്റിവൽ: 
പൂവാർ സാഹിത്യസംഗമം

തിരുവനന്തപുരം

കോവളം കാവ്യോത്സവത്തോടനുബന്ധിച്ച് ജില്ലയിലെ 51 തുറകളിലായി സംഘടിപ്പിക്കുന്ന തീരദേശ സാഹിത്യ യാത്ര പൂവാറിൽ നടത്തി. ഡോ. ജോർജ് ഓണക്കൂർ ഉദ്ഘാടനം ചെയ്തു. കോവളം കവികൾ സ്‌മാരക സമിതി ചെയർമാൻ വിനോദ് വൈശാഖി അധ്യക്ഷനായി. അജിത് വെണ്ണിയൂർ മുഖ്യപ്രഭാഷണം നടത്തി. എ ക്ലീറ്റസ്, മെഹ്ബൂബ് ഖാൻ പൂവാർ, എസ് ബിജുകുമാർ, അഞ്ചു ആർ വി, ജിസ്‌തി, പ്രവീണ കുമാരി, പ്രവീൺ പ്രദ്യോത്, ജനറൽ കൺവീനർ രതീഷ് വിശ്വൻ, കോവളം രാധാകൃഷ്ണൻ എന്നിവർ സംസാരിച്ചു. സ്കൂൾ കുട്ടികൾക്കായി സംഘടിപ്പിച്ച ചിത്രരചനാ മത്സരം ഷൈൻ എസ് കെ ഉദ്ഘാടനം ചെയ്തു. അരവിന്ദ് സൂരി അധ്യക്ഷനായി. നെയ്യാറ്റിൻകരയിലെ എഴുത്തുകാരുടെ പുസ്തക പ്രദർശനം അധ്യാപകനായ കെ ചന്ദ്രശേഖരൻ ഉദ്ഘാടനം ചെയ്തു. സതീഷ് കിടാരക്കുഴി അധ്യക്ഷനായി. കവിയരങ്ങ് രാജൻ വി പൊഴിയൂർ ഉദ്ഘാടനം ചെയ്തു.