കാസർകോട് കുഴൽ കിണർ വണ്ടി വീടിന് മുകളിലേക്ക് മറിഞ്ഞു; രണ്ട് പേർ മരിച്ചു

കാസർകോട് : കാസർകോട് വെസ്റ്റ് എളേരിയിൽ കുഴൽ കിണർ വണ്ടി വീടിന് മുകളിലേക്ക് മറിഞ്ഞ് രണ്ട് പേർ മരിച്ചു. ഇന്ന് പുലർച്ചെ രണ്ട് മണിയോടെയാണ് അപകടമുണ്ടായത്. റോഡിലെ ഇറക്കത്തിൽ നിയന്ത്രണം വിട്ട വാ​ഹനം വീടിന് മുകളിലേക്ക് മറിയുകയായിരുന്നു. ജെയ്സണും കുടുംബവും വാടകയ്ക്ക് താമസിക്കുന്ന വീടിന് മുകളിലേക്കാണ് വണ്ടി മറിഞ്ഞത്. വണ്ടിയിലെ ജീവനക്കാരായ മധ്യപ്രദേശ് സ്വദേശി ​ദേവേന്ദ്ര, ഛത്തീസ്​ഗഡ് സ്വദേശി നാസർ എന്നിവരാണ് മരിച്ചത്. ശബ്ദം കേട്ടെത്തിയ നാട്ടുകാർ ഉടൻ തന്നെ രക്ഷാപ്രവർത്തനം നടത്തിയെങ്കിലും ജീവൻ രക്ഷിക്കാനായില്ല. മൃതദേഹങ്ങൾ കാഞ്ഞങ്ങാട് ജില്ലാ ആശുപത്രിയിൽ സൂക്ഷിച്ചിരിക്കുകയാണ്.