മന്ത്രി റോജി എം ജോണിനെതിരെ എസ്‌എഫ്‌ഐ പ്രതിഷേധം

പാളയം

വിദ്യാർഥികളെ യൂണിവേഴ്‌സിറ്റി ഹോസ്റ്റലിൽ കയറി തല്ലിച്ചതയ്‌ക്കുകയും തുടർന്ന്‌ ഭീഷണിപ്പെടുത്തുകയും ചെയ്‌തതടക്കമുള്ള സർക്കാരിന്റെ വിദ്യാർഥി വിരുദ്ധ നടപടികളിൽ മന്ത്രി റോജി എം ജോണിന്‌ നേരെ പ്രതിഷേധിച്ച്‌ എസ്‌എഫ്‌ഐ. ഉന്നതവിദ്യാഭ്യാസ വകുപ്പ്‌ നടപ്പാക്കുന്ന ‘വൺ കോളേജ്‌ വൺ ഇന്നൊവേഷൻ’ പദ്ധതിയുടെ സംസ്ഥാനതല ഉദ്‌ഘാടനത്തിന്‌ ഗവ. ആർട്സ് കോളേജിൽ എത്തിയപ്പോഴായിരുന്നു എസ്‌എഫ്‌ഐ പ്രവർത്തകർ പ്രതിഷേധിച്ചത്‌. പരിപാടിയിൽ പങ്കെടുക്കാൻ മന്ത്രി വേദിയിലേക്ക്‌ എത്തിയപ്പോൾ പ്രവർത്തകർ മുദ്രാവാക്യം മുഴക്കുകയായിരുന്നു.