​ശാസ്ത്രവും മതവും സാഹിത്യവും പരസ്പരപൂരകങ്ങൾ; വഴുതക്കാട് വനിതാ കോളേജിൽ സെമിനാർ

​തിരുവനന്തപുരം: വഴുതക്കാട് ഗവ. വനിതാ കോളേജിലെ "അണ്ടർ ദി ഗ്രീൻവുഡ് ട്രീ" ഇംഗ്ലീഷ് ക്ലബ്ബിന്റെ ആഭിമുഖ്യത്തിൽ സംഘടിപ്പിച്ച സെമിനാറിൽ അഹ്‌മദിയ്യാ മുസ്‌ലിം ജമാഅത്ത് ​ശാസ്ത്രവും മതവും സാഹിത്യവും പരസ്പരപൂരകങ്ങൾ എന്ന വിഷയത്തെ ആസ്പദമാക്കി പ്രബന്ധം അവതരിപ്പിച്ചു. മതവും ശാസ്ത്രവും സാഹിത്യവും മനുഷ്യന്റെ ബൗദ്ധിക വികാസത്തിന് ഒരേപോലെ അനിവാര്യമാണെന്ന് സെമിനാർ അഭിപ്രായപ്പെട്ടു. ​"ശാസ്ത്രം, മതം, സാഹിത്യം" എന്ന വിഷയത്തിൽ മിഷണറിയും 'Lightofislam.in' എഡിറ്ററുമായ ഹുസാം അഹ്‌മദ് മുഖ്യവിഷയാവതരണം നടത്തി സംസാരിച്ചു. ​വിവിധ മേഖലകളിലെ പ്രമുഖർ, സാംസ്കാരിക പ്രവർത്തകർ, ക്ലബ്ബ് അംഗങ്ങൾ, വിദ്യാർഥികൾ എന്നിവർ സെമിനാറിൽ പങ്കെടുത്തു.