അമിതഭാരം കയറ്റിയ ലോറി
അപകടത്തിലായി

പാറശാല

അമിതഭാരം കയറ്റിവന്ന തടിലോറി അപകടത്തിൽപ്പെട്ടു. പരശുവയ്‌ക്കലിന് സമീപം കളത്തുനട ഇറക്കത്തിലാണ് സംഭവം. വാഹനത്തിന്റെ പിറകിലെ തടികളുടെ ഭാരം കാരണം ലോറിയുടെ മുൻവശം പൂർണമായി ഉയരുകയായിരുന്നു. അപകടത്തില്‍ ആര്‍ക്കും പരിക്കില്ല. ഈ സമയത്ത് മറ്റ് വാഹനങ്ങളൊന്നും സ്ഥലത്തുണ്ടായില്ല. മറ്റൊരു വാഹനമെത്തിച്ച് തടികള്‍ നീക്കിയ ശേഷമാണ് ഗതാഗതം പുനഃസ്ഥാപിച്ചത്.