വി ജോയി ഷിജിന്റെ വീട് സന്ദർശിച്ചു

ചിറയിൻകീഴ്

മുതലപ്പൊഴിയിൽ അപകടത്തിൽപ്പെട്ട് കാണാതായ അഞ്ചുതെങ്ങ് സ്വദേശി ഷിജിന്റെ വീട് സിപിഐ എം ജില്ലാ സെക്രട്ടറി വി ജോയി സന്ദർശിച്ചു. അപകടത്തിൽപ്പെട്ട് 26 ദിവസമായിട്ടും ഷിജിനെ സംബന്ധിച്ച് ഒരു വിവരവും കുടുംബത്തിന് ലഭിച്ചിട്ടില്ല. തിരച്ചിൽ നിർത്തിയിട്ട് ദിവസങ്ങളായി. ഷിജിന്റെ മൂത്ത മകന്റെ ചികിത്സയ്ക്ക് ആവശ്യമായ എല്ലാ സഹായങ്ങളും നൽകുമെന്ന്‌ ജില്ലാ സെക്രട്ടറി കുടുംബത്തിന് ഉറപ്പുനൽകി. സിപിഐ എം ഏരിയ കമ്മിറ്റി അംഗങ്ങളായ അഞ്ചുതെങ്ങ് സുരേന്ദ്രൻ, വി ലൈജു, ലോക്കൽ സെക്രട്ടറി എസ് പ്രവീൺ ചന്ദ്ര, വിജയ് വിമൽ, തോബിയാസ് കാർമൽ, സെബാസ്റ്റ്യൻ എന്നിവർ ഒപ്പമുണ്ടായിരുന്നു.