ബിജെപി വിട്ട് സിപിഐ എമ്മിൽ

കിളിമാനൂർ

കരവാരം പഞ്ചായത്തിലെ രണ്ട് ബിജെപി പ്രാദേശിക നേതാക്കൾ സിപിഐ എമ്മുമായി ചേർന്ന് പ്രവർത്തിക്കാൻ തീരുമാനിച്ചു. പഞ്ചായത്തിലെ മുതിർന്ന ബിജെപി നേതാവ് മോഹനൻ നായർ, സജീവ പ്രവർത്തകൻ രാജേഷ് എന്നിവരാണ് ബിജെപി ബന്ധം ഉപേക്ഷിച്ച് സിപിഐ എമ്മിൽ എത്തിയത്. ഏരിയ സെക്രട്ടറി തട്ടത്തുമല ജയചന്ദ്രൻ ഇവരെ ഷാളണിയിച്ച്‌ സ്വീകരിച്ചു. വഞ്ചിയൂർ ലോക്കൽ സെക്രട്ടറി കെ സുഭാഷ്, ജില്ലാ പഞ്ചായത്ത് സ്ഥാനാർഥി വി പ്രിയദർശിനി, ലില്ലി, വി എസ് വിനോദ് എന്നിവർ സംസാരിച്ചു.