കതിര് 
കാർഷിക ക്ലബ്

മംഗലപുരം ​

കൈലാത്തുകോണം ഗവ. എൽപിഎസിൽ കൃഷി വകുപ്പും വിദ്യാഭ്യാസ വകുപ്പും സംയുക്തമായി നടപ്പിലാക്കുന്ന ‘കതിര്' കാർഷിക ക്ലബ് പ്രവർത്തനമാരംഭിച്ചു. പഞ്ചായത്ത്പ്രസിഡന്റ് എസ് ശ്രീചന്ദ് ഉദ്ഘാടനം ചെയ്തു. വാർഡ് അംഗം വി അജി കുമാർ അധ്യക്ഷനായി. മംഗലപുരം കൃഷി ഓഫീസർ രാഖി, പ്രധാനാധ്യാപിക ബി ബീന, കതിര് കാർഷിക ക്ലബ്‌ കൺവീനർ ജി കെ ശ്രീജ മോൾ, വി കെ രേവതി, എസ് ബീന, ബി പുഷ്പ കുമാരി അർച്ചന, സുനികുമാരി, മികച്ച കർഷക അവാർഡ് ജേതാവ് സജീവ് എന്നിവർ സംസാരിച്ചു. സ്കൂളിൽ പച്ചക്കറി കൃഷിക്കും കരനെൽ കൃഷിക്കും തുടക്കം കുറിച്ചു.