സിപിഐ എം സംസ്ഥാന സെക്രട്ടറി 
പൊലീസ് മേധാവിക്ക് പരാതി നല്‍കി

തിരുവനന്തപുരം

സമൂഹമാധ്യമംവഴി വ്യാജപചാരണം നടത്തിയവർക്കെതിരെ സിപിഐ എം സംസ്ഥാന സെക്രട്ടറി എം വി ഗോവിന്ദന്‍ സംസ്ഥാന പൊലീസ് മേധാവിക്ക് പരാതി നല്‍കി. ‘പാർടി ഓഫീസുകളില്‍ അല്‍പസ്വല്‍പം മദ്യപിക്കുന്നതില്‍ തെറ്റില്ല’ എന്ന് എം വി ഗോവിന്ദന്‍ പ്രസംഗിച്ചു എന്നായിരുന്നു വ്യാജപ്രചാരണം. പ്രദീപ് കുമാര്‍ മത്തേപറമ്പന്‍ നോര്‍ത്ത് പറവൂര്‍, അജിത പി നായര്‍, അനീഷ് ജോണ്‍ പട്ടാഴി എന്നിവര്‍ക്കെതിരെയാണ് പരാതി. സമൂഹത്തില്‍ വിദ്വേഷം ജനിപ്പിക്കാനും, സിപിഐ എമ്മിനെ അപകീര്‍ത്തിപ്പെടുത്താനും ശ്രമിച്ചവർക്കെതിരെ ശക്തമായ നടപടി സ്വീകരിക്കണമെന്ന് പരാതിയില്‍ ആവശ്യപ്പെട്ടു. പോസ്റ്റുകളുടെയും പ്രൊഫൈലിന്റെയും സ്ക്രീന്‍ഷോട്ടടക്കം കെെമാറി.