കുടിവെള്ളപദ്ധതി അടിയന്തരമായി പൂർത്തിയാക്കുക: വാട്ടർ അതോറിറ്റി എംപ്ലോയീസ് യൂണിയൻ

​ഹരിപ്പാട്

സമഗ്ര കുടിവെള്ളപദ്ധതി അടിയന്തരമായി പൂർത്തിയാക്കണമെന്ന് കേരള വാട്ടർ അതോറിറ്റി എംപ്ലോയീസ് യൂണിയൻ (സിഐടിയു ) ഹരിപ്പാട് ബ്രാഞ്ച് പ്രവർത്തകയോഗം ആവശ്യപ്പെട്ടു. വാട്ടർ അതോറിറ്റിയെ പൊതുമേഖലയിൽ നിലനിർത്താനും പിഎസ്‌സി വഴി റിട്ടയർമെന്റിന് ആനുപാതികമായി ജീവനക്കാരെ നിയമിക്കാനും യത-്‌നിക്കുന്ന ഇടതുസർക്കാരിനെ പിന്തുണയ-്‌ക്കാൻ തദ്ദേശസ്വയംഭരണ തെരഞ്ഞെടുപ്പിൽ എൽഡിഎഫ്‌ സ്ഥാനാർഥികളെ വിജയിപ്പിക്കാനുള്ള ഇടപെടൽ നടത്താനും യോഗം തീരുമാനിച്ചു. സിഐടിയു ഹരിപ്പാട് ഏരിയ സെക്രട്ടറി എം തങ്കച്ചൻ ഉദ്ഘാടനംചെയ-്‌തു. എസ് രാജേഷ് അധ്യക്ഷനായി. യൂണിയൻ ജില്ലാ ട്രഷറർ കെ സി സഞ്ജീവ്, ബ്രാഞ്ച് സെക്രട്ടറി അരുൺദാസ്, ജില്ലാ സെക്രട്ടറിയറ്റംഗം കെ ബിജു, എസ് രതീഷ്, മാത്യു വർഗീസ്, തേജസ്‌, നന്ദു സതീഷ്, മനോജ്‌കുമാർ എന്നിവർ സംസാരിച്ചു.