കൈപിടിച്ച്​ നടത്തി സ്വാമി; 
ജോർജിന്റെ മുഖത്ത്​ പ്രകാശം

കഞ്ഞിക്കുഴി

കടുത്തപ്രമേഹത്തെത്തുടർന്ന് കാൽമുറിച്ചുമാറ്റിയ വൃദ്ധസദനത്തിലെ അന്തേവാസിക്ക് കൃത്രിമക്കാൽ നൽകി. മായിത്തറയിലെ സർക്കാർ വൃദ്ധസദനത്തിലെ അന്തേവാസിയായ പട്ടണക്കാട് വാര്യത്ത് നഗറിൽ വി ഡി ജോർജിനാണ് വളവനാട് ലക്ഷ്മീനാരായണ ക്ഷേത്രത്തിന്റെ സഹായം ലഭിച്ചത്. കഴിഞ്ഞവർഷം ജൂലൈയിലാണ്​ ജോർജിന്റെ വലതുകാൽ മുറിച്ചത്. ഭാര്യയുടെ മരണത്തെതുടർന്ന്​ നാലുവർഷമായി ജോർജ് വൃദ്ധസദനത്തിലാണ്​ താമസം. വൃദ്ധസദനത്തിൽ നടന്ന ചടങ്ങിൽ പ്രകാശ് സ്വാമി ജോർജിന് കൃത്രിമക്കാൽ കൈമാറി. കഞ്ഞിക്കുഴി ബ്ലോക്ക് പഞ്ചായത്ത് വൈസ-്​പ്രസിഡന്റ്​ വിജി അനിൽകുമാർ ചടങ്ങ് ഉദ്ഘാടനംചെയ-്​തു. ബ്ലോക്ക് പഞ്ചായത്തംഗം അനിതാ തിലകൻ അധ്യക്ഷയായി. കെ കെ കുമാരൻ പാലിയേറ്റീവ് കെയർ സൊസൈറ്റി ചെയർമാൻ എസ് രാധാകൃഷ്ണൻ ഓണക്കാല പൂക്കൃഷി ഉദ്ഘാടനം ചെയ്തു. ബ്ലോക്ക് പഞ്ചായത്ത്​ സ്ഥിരംസമിതി അധ്യക്ഷ സുധാ സുരേഷ്, ബ്ലോക്ക് പഞ്ചായത്തംഗങ്ങളായ വി കെ മുകുന്ദൻ, യു എസ് സജീവ്, പി ജെ യുപി സ-്​കൂൾ പ്രഥമാധ്യാപകൻ സതീഷ്, ക്ഷേത്രയോഗം സെക്രട്ടറി എൻ രാജീവ്, വൈസ് പ്രസിഡന്റ്​ രാജു പള്ളിപ്പറമ്പിൽ, സൂപ്രണ്ട് അയിഷാബീഗം എന്നിവർ സംസാരിച്ചു.