വിദ്യാർഥികൾക്ക്‌ മേശയും കസേരയും നൽകി

ചെങ്ങന്നൂർ

വെൺമണി പഞ്ചായത്തിൽ വാർഷിക പദ്ധതിയിൽ ഉൾപ്പെട്ട എസ്‌സി വിഭാഗത്തിലെ വിദ്യാർഥിക്ക്‌ മേശയും കസേരയും വിതരണംചെയ്‌തു. പഞ്ചായത്ത് പ്രസിഡന്റ്‌ ജെബിൻ പി വർഗീസ് ഉദ്ഘാടനംചെയ്‌തു. വൈസ്‌പ്രസിഡന്റ്‌ എ കെ ബീന അധ്യക്ഷയായി. ചെങ്ങന്നൂർ ബ്ലോക്ക് പഞ്ചായത്തംഗങ്ങളായ മായ ഉണ്ണിത്താൻ, രാജശ്രീ, പഞ്ചായത്ത് അംഗങ്ങളായ കെ ഖദീജ, സുഗത രാജീവ്, ഉമദേവി, എം എസ് സെൻസിലാൽ, എൻ ആർ ശ്രീധരൻ, ജയശ്രീ, ഉദയൻ കരിപ്പാലിൽ, ദിലീപ് ഗാർഡൻ, കല നാരയണൻ, പഞ്ചായത്ത് സെക്രട്ടറി എ ജെ പ്രശാന്ത്, അസി. സെക്രട്ടറി കെ ഷാജി, എസ്‌സി പ്രൊമോട്ടർ വി അഭിജിത്ത് എന്നിവർ സംസാരിച്ചു.