എസ് ദാമോദരനെ അനുസ്‌മരിച്ചു

ആലപ്പുഴ
പുന്നപ്ര -വയലാർ സമരസേനാനിയും സിപിഐ എം ജില്ലാ കമ്മിറ്റി അംഗവും എംഎൽഎയുമായിരുന്ന എസ് ദാമോദരന്റെ ചരമവാർഷികദിനം ആചരിച്ചു. ആലപ്പുഴ ഏരിയ കമ്മിറ്റിയും ആലപ്പി കയർ ഫാക്ടറി തൊഴിലാളി യൂണിയൻ സിഐടിയുവും ചേർന്ന്‌ നടത്തിയ അനുസ്മരണ സമ്മേളനം സിപിഐ എം ജില്ലാ സെക്രട്ടറിയറ്റ് അംഗം അഡ്വ. കെ ആർ ഭഗീരഥൻ ഉദ്‌ഘാടനംചെയ്തു. ഏരിയ സെക്രട്ടറി അജയസുധീന്ദ്രൻ അധ്യക്ഷനായി. ജില്ലാ കമ്മിറ്റി അംഗം വി ബി സതീശൻ, വി എസ് മണി , ആലപ്പി കയർ ഫാക്ടറി തൊഴിലാളി യൂണിയൻ പ്രസിഡന്റ്‌ ടി ആർ ശിവരാജൻ എന്നിവർ സംസാരിച്ചു.