എം ജെ മാത്തുണ്ണിയെ അനുസ്‌മരിച്ചു

മങ്കൊമ്പ്

സിപിഐ എം ജില്ലാ കമ്മിറ്റി അംഗവും കുട്ടനാട് ഏരിയ സെക്രട്ടറിയുമായിരുന്ന എം ജെ മാത്തുണ്ണിയുടെ 31 -ാം ചരമവാർഷികം ആചരിച്ചു. സിപിഐ എം കുട്ടനാട് ഏരിയ കമ്മിറ്റി നേതൃത്വത്തിൽ രാവിലെ സ്മൃതി മണ്ഡപത്തിൽ പുഷ്‌പാർച്ചനക്ക് ശേഷം നടന്ന അനുസ്മരണ സമ്മേളനം ജില്ലാ കമ്മിറ്റി അംഗം കെ കെ അശോകൻ ഉദ്ഘാടനം ചെയ്തു. പി വി രാമഭദ്രൻ അധ്യക്ഷനായി. ഏരിയ സെക്രട്ടറി സി പി ബ്രീവൻ, ജി ഉണ്ണികൃഷ്ണൻ, പ്രസാദ് ബാലകൃഷ്ണൻ, ജോജോ ആന്റണി, കെ സി സാബു എന്നിവർ സംസാരിച്ചു.