സുശീല ഗോപാലൻ സ്മാരക 
ലൈബ്രറിയുടെ വായനദിനാചരണം

മാവേലിക്കര

സുശീല ഗോപാലൻ സ്മാരക ലൈബ്രറി പി എൻ പണിക്കർ അനുസ്മരണവും വായന ദിനാചരണവും നടത്തി. മാവേലിക്കര പല്ലാരിമംഗലം കൊക്കാട്ട് ജി കൃഷ്ണപിള്ള സ്മാരക ഗ്രന്ഥശാലയിലെ പരിപാടി മാവേലിക്കര ബ്ലോക്ക് പഞ്ചായത്ത് പ്രസിഡന്റ്‌ കെ മധുസൂദനൻ ഉദ്ഘാടനംചെയ്തു. മഹിളാ അസോസിയേഷൻ സംസ്ഥാന കമ്മിറ്റിയംഗം സുശീലാമണി അധ്യക്ഷയായി. ജില്ലാ ജോ. സെക്രട്ടറി എസ് സീമ, കലാസാഹിത്യ സംഘം ഏരിയാ സെക്രട്ടറി ഗോപകുമാർ വാത്തികുളം, തെക്കേക്കര പഞ്ചായത്ത് പ്രസിഡന്റ്‌ പ്രിയ വിനോദ്, തുളസിഭായി എന്നിവർ സംസാരിച്ചു. എ അഷറഫ് രചിച്ച "ചോര മണ്ണിലെ സഹനജീവിതം’ കെ മീനാക്ഷി പരിചയപ്പെടുത്തി.