ലേബർകോഡ് കത്തിച്ച് പ്രതിഷേധ ധർണ

ആലപ്പുഴ ​

തൊഴിലാളിവിരുദ്ധ ലേബർ കോഡുകൾ നടപ്പാക്കിയ കേന്ദ്രസർക്കാർ നടപടിക്കെതിരെ കെഎംഎസ്ആർഎ ജില്ലാ കമ്മിറ്റി ബിഎസ്എൻഎൽ ഓഫീസിന്‌ മുന്നിൽ പ്രതിഷേധ ധർണ നടത്തി. ലേബർ കോഡുകൾ കത്തിച്ചായിരുന്നു പ്രതിഷേധം. സിഐടിയു ജില്ലാ കമ്മിറ്റി അംഗം കെ ജെ പ്രവീൺ ഉദ്ഘാടനംചെയ്‌തു. ജില്ലാ പ്രസിഡന്റ്‌ എസ് ദിനിമോൻ അധ്യക്ഷനായി. ജോയിന്റ്‌ സെക്രട്ടറി ടി ബി ഫിറോസ്, ബി രാജുമോൻ, മനുദാസ്, ശിവകുമാർ, ജെയ്സൺ ജോസഫ് എന്നിവർ സംസാരിച്ചു.