സാന്ത്വനപരിചരണ പരിശീലനം

ചേർത്തല

സാന്ത്വനപരിചരണത്തിൽ പുതുമുന്നേറ്റം സൃഷ-്‌ടിക്കാൻ ചേന്നംപള്ളിപ്പുറം പഞ്ചായത്തും കുടുംബാരോഗ്യ കേന്ദ്രവും ചേർന്ന് സന്നദ്ധപ്രവർത്തകർക്ക്‌ മൂന്നുദിവസം പരിശീലനംനൽകി. 400ലേറെ കിടപ്പുരോഗികളെ ശാസ്‌ത്രീയമായി പരിചരിക്കാനാണ്‌ സന്നദ്ധപ്രവർത്തകരുടെ സേവനം പ്രയോജനപ്പെടുത്തുക. 40 സന്നദ്ധപ്രവർത്തകരും ആശാ പ്രവർത്തകരും പങ്കെടുത്തു. ​പഞ്ചായത്ത്‌ പ്രസിഡന്റ്‌ ടി എസ്‌ സുധീഷ്‌ അധ്യക്ഷനായി. കില ഫാക്കൽറ്റി പി ജി രമണൻ, പാലിയേറ്റിവ് കെയർ സംസ്ഥാന കോ–ഓർഡിനേറ്റർ ആർ അംജിത്കുമാർ, സെക്കൻഡറി പാലിയേറ്റിവ് നഴ്സുമാരായ ബി റീന, എസ്‌ എസ്‌ സുലേഖ എന്നിവർ ക്ലാസ്‌ നയിച്ചു. ​വൈസ് പ്രസിഡന്റ് ഷിൽജ സലിം, സ്ഥിരംസമിതി അധ്യക്ഷരായ എൻ കെ മോഹൻദാസ്, ധന്യ ഗോപിനാഥ്, മെഡിക്കൽ ഓഫീസർ ഡോ. പ്രശാന്ത്, ജെഎച്ച്ഐ സന്ധ്യ, സെക്രട്ടറി ജെ സന്തോഷ്, പാലിയേറ്റിവ് കെയർ നഴ്സ് അനുമോൾ എന്നിവർ സംസാരിച്ചു.