കട്ട്‌ കഴിഞ്ഞാൽ കറന്റടി..

ആലപ്പുഴ

ആവർത്തിക്കുന്ന കറന്റ്‌കട്ട്‌ കൂടാതെ ലൈനുകളിൽ അപ്രതീക്ഷിതമായി വോൾട്ടേജ്‌ വർധിക്കുന്നതും പതിവാകുന്നു. ആലപ്പുഴ പട്ടണത്തിൽ വെള്ളിയാഴ്‌ച രാവിലെ വൈദ്യുതി മുടങ്ങിയശേഷം വീണ്ടുംവന്നപ്പോൾ ഇത്തരംപ്രശ്‌നം ഉണ്ടായി. സാങ്കേതിക പ്രശ്‌നമാണ്‌ കാരണമെന്നാണ്‌ കെഎസ്‌ഇബി അധികൃതർ പറയുന്നത്‌. കാരണം എന്തുതന്നെയായാലും ജനങ്ങളുടെ ജീവനുതന്നെ ഭീഷണിയാകുന്നതരത്തിലുള്ള അപകടത്തിന്‌ കാരണമാകുന്നതാണ്‌ വോൾട്ടേജ്‌ വ്യതിയാനം. വൈദ്യുതി മുടങ്ങാത്ത സമയത്തും ഇ‍ൗ പ്രശ്‌നം ഉണ്ടാകുന്നുണ്ട്‌.