കെ ജെ ജോസഫ്, ടി കെ വാസു 
രക്തസാക്ഷിത്വ ദിനാചരണം

തകഴി

കൈനകരിയിലെ അനശ്വര രക്തസാക്ഷികളായ കെ ജെ ജോസഫ്, ടി കെ വാസു എന്നിവരുടെ 51–-ാം രക്തസാക്ഷിത്വദിനം ആചരിച്ചു. സിപിഐ എം ജില്ലാ സെക്രട്ടറി ആർ നാസർ ഉദ്‌ഘാടനംചെയ്തു. ദിനാചരണ കമ്മിറ്റി പ്രസിഡന്റ് എം സി പ്രസാദ് അധ്യക്ഷനായി. സി കെ സദാശിവൻ, കെ കെ ഷാജു, ഏരിയ സെക്രട്ടറി കെ എസ്‌ അനിൽകുമാർ, ​കർഷക തൊഴിലാളി യൂണിയൻ സംസ്ഥാന വൈസ് പ്രസിഡന്റ് എ ഡി കുഞ്ഞച്ചൻ, കർഷകസംഘം ജില്ലാ ജോയിന്റ് സെക്രട്ടറി എസ് സുധിമോൻ, പി രതീശൻ എന്നിവർ സംസാരിച്ചു. പരിപാടിയുടെ ഭാഗമായി കൈനകരി നോർത്ത്, സൗത്ത് കമ്മിറ്റികളുടെ നേതൃത്വത്തിൽ രക്തസാക്ഷി മണ്ഡപത്തിലും പുത്തൻതുരം പാടവരമ്പിലും പുഷ്പാർച്ചനയും പ്രകടനവും നടന്നു. നൂറുകണക്കിന് തൊഴിലാളികളാണ് അണിനിരന്നത്.