വിജയസ്‌മിതവുമായി ജിസ്‌മി

ചേർത്തല

ബാലസംഘത്തിലൂടെ എസ്‌എഫ്‌ഐ–ഡിവൈഎഫ്‌ഐ സാരഥ്യത്തിലെത്തി യുവത്വത്തിന്റെ ചൈതന്യവുമായി പൊതുമണ്ഡലത്തിൽ നിറഞ്ഞ കെ ജെ ജിസ്‌മിക്ക്‌ നാടിന്റെ ഹൃദ്യമായ വരവേൽപ്പ്‌. ജില്ലാ പഞ്ചായത്ത്‌ പള്ളിപ്പുറം ഡിവിഷൻ എൽഡിഎഫ്‌ സ്ഥാനാർഥി ജിസ്‌മിയുടെ സ്വീകരണ പര്യടനം ബുധൻ രാവിലെ തുടങ്ങി. ​ പള്ളിപ്പുറം കല്ലറത്തറയിൽ സിപിഐ എം ജില്ലാ സെക്രട്ടറിയറ്റംഗം എ എം ആരിഫ്‌ ഉദ്‌ഘാടനംചെയ്‌തു. ചേന്നംപള്ളിപ്പുറം പഞ്ചായത്തിലെ 10 കേന്ദ്രങ്ങളിലും തൈക്കാട്ടുശേരിയിലെ എട്ട്‌ കേന്ദ്രങ്ങളിലും സ്വീകരണയോഗം ചേർന്നു. ഉളവയ്‌പിൽ ആദ്യനാളിലെ പര്യടനം സമാപിച്ചു. പഞ്ചായത്ത്‌ വാർഡ്‌, ബ്ലോക്ക്‌–ജില്ലാ പഞ്ചായത്ത്‌ ഡിവിഷൻ സ്ഥാനാർഥികളും ജിസ്‌മിയോടൊപ്പം ഉണ്ടായിരുന്നു. ​ യോഗങ്ങളിൽ ബി വിനോദ്‌, കെ ബാബുലാൽ, പി എം പ്രമോദ്‌, ഇ എം സന്തോഷ്‌കുമാർ, ടി എസ്‌ സുധീഷ്‌, സി ശ്യാംകുമാർ, എൻ നവീൻ, കുര്യാക്കോസ്‌ കാട്ടുതറ, സ്‌മിത ദേവാനന്ദ്‌ എന്നിവർ സംസാരിച്ചു. വ്യാഴാഴ്‌ച രാവിലെ പാണാവള്ളിയിലെ പനവേലിയിൽ നിന്നാരംഭിക്കുന്ന പര്യടനം അരൂക്കുറ്റിയിലെ വടുതല ജെട്ടിയിൽ സമാപിക്കും.