ഡിവൈഎഫ്ഐ വെൺമണി പഞ്ചായത്ത് ജാഥ

ചെങ്ങന്നൂർ

ഡിവൈഎഫ്ഐ ചെങ്ങന്നൂർ ബ്ലോക്ക് കമ്മിറ്റി 15ന് സംഘടിപ്പിക്കുന്ന സമരസംഗമത്തിന്റെ പ്രചാരണാർഥം വെൺമണി പഞ്ചായത്ത് കാൽനടജാഥ കല്യാത്ര ജങ്ഷനിൽനിന്ന്‌ ആരംഭിച്ചു. ജില്ലാ സെക്രട്ടറി ജെയിംസ് ശമുവേലാണ്‌ ക്യാപ്റ്റൻ. സിപിഐ എം ചെങ്ങന്നൂർ ഏരിയ സെക്രട്ടറി എം ശശികുമാർ ജാഥാ ക്യാപ്റ്റന് പതാക കൈമാറി ഉദ്ഘാടനംചെയ്തു. സംഘാടക സമിതി ചെയർമാൻ എ കെ ശ്രീനിവാസൻ അധ്യക്ഷനായി. വിവിധ കേന്ദ്രങ്ങളിൽ പര്യടനം നടത്തി ആലുംതുരുത്തിൽ സമാപിച്ചു. ജില്ലാ വൈസ് പ്രസിഡന്റ്‌ പി എ അൻവർ സമാപന സമ്മേളനം ഉദ്ഘാടനംചെയ്തു. ശിവദാസൻ അധ്യക്ഷനായി. വൈസ് ക്യാപ്റ്റൻ അനുഗ്രഹ രാജേന്ദ്രൻ, മാനേജർ സുമേഷ് സുന്ദര സ്വാമി, ബ്ലോക്ക് സെക്രട്ടറി എം സുമേഷ് എന്നിവർ സംസാരിച്ചു.