നാടിൻ നായകനാകാൻ നിധിൻ

വയലാർ

ജില്ലാ പഞ്ചായത്ത് മനക്കോടം ഡിവിഷൻ എൽഡിഎഫ് സ്ഥാനാർഥി നിധിൻ സെബാസ്‌റ്റ്യൻ ആലത്തറയുടെ ഒന്നാംദിന പര്യടനം ആഞ്ഞിലിക്കാട് വിദ്യാ കലാവേദിയിൽ സിപിഐ എം സംസ്ഥാന കമ്മിറ്റി അംഗം സി ബി ചന്ദ്രബാബു ഉദ്ഘാടനംചെയ്‌തു. പി ഐ ഹാരിസ് അധ്യക്ഷനായി. ബ്ലോക്ക്, പഞ്ചായത്ത് വാർഡ് സ്ഥാനാർഥികൾക്കും സ്വീകരണം നൽകി. കുത്തിയതോട് ഇരുമ്പൻചിറയിൽ സമാപന സമ്മേളനം സിപിഐ എം ജില്ലാ സെക്രട്ടറിയറ്റ് അംഗം എ എം ആരിഫ് ഉദ്ഘാടനംചെയ്‌തു. വിവിധ കേന്ദ്രങ്ങളിൽ എം കെ ഉത്തമൻ, സി വി ശ്രീജിത്ത്, പി എം അജിത്ത്കുമാർ, വി കെ സൂരജ്, സി പി പ്രകാശൻ, എ മോഹൻദാസ്, പി ഡി രമേശൻ, സി സുരേഷ്, ആർ അനിൽകുമാർ എന്നിവർ സംസാരിച്ചു. വെള്ളിയാഴ്‌ച രാവിലെ ഒമ്പതിന് വാലയിൽ കടപ്പുറത്തുനിന്ന് പര്യടനം പുനരാരംഭിക്കും. സിപിഐ എം ഏരിയ സെക്രട്ടറി എൻ പി ഷിബു ഉദ്ഘാടനംചെയ്യും. അർത്തുങ്കൽ പള്ളിക്ക് സമീപം സമാപനസമ്മേളനം സിപിഐ സംസ്ഥാന എക്‌സിക്യൂട്ടീവ് അംഗം ടി ജെ ആഞ്ചലോസ് ഉദ്ഘാടനംചെയ്യും.