അനില രാജു മുന്നിൽത്തന്നെ

ഹരിപ്പാട്

ജില്ലാ പഞ്ചായത്ത് കരുവാറ്റ ഡിവിഷൻ സ്ഥാനാർഥി അഡ്വ. അനില രാജുവിന്റെ സ്വീകരണ പര്യടനം കരുവാറ്റ വടക്ക് കുറിച്ചിക്കലിൽ സിപിഐ ദേശീയ കൗൺസിൽ അംഗം ടി ടി ജിസ്‌മോൻ ഉദ്ഘാടനംചെയ്‌തു. പി മുരളികുമാർ അധ്യക്ഷനായി. എൽഡിഎഫ്‌ നേതാക്കളായ എം സത്യപാലൻ, സിപിഐ എം ജില്ലാ കമ്മിറ്റി അംഗം സി ശ്രീകുമാർ ഉണ്ണിത്താൻ, ഹരിപ്പാട് ഏരിയ സെക്രട്ടറി സി പ്രസാദ്, പി ടി മധു, വി രാജു എന്നിവർ സംസാരിച്ചു. സ്ഥാനാർഥി അഡ്വ അനില രാജു, ബ്ലോക്ക് പഞ്ചായത്ത് സ്ഥാനാർഥികളായ എസ് സുരേഷ്, ലക്ഷ്‌മി ശിവൻ, മൂന്നാം വാർഡ് സ്ഥാനാർഥി സുഷമ രതീഷ് എന്നിവർ സ്വീകരണത്തിന് നന്ദി പറഞ്ഞു. കരുവാറ്റയിലെ സ്ഥാനാർഥികളുടെ പര്യടനം അഞ്ചുതെങ്ങിൽ സമാപിച്ചു. ​എൽഡിഎഫ് ജില്ലാ, ബ്ലോക്ക്, പഞ്ചായത്ത് സ്ഥാനാർഥികളുടെ വീയപുരം പഞ്ചായത്തിലെ പര്യടനം വെള്ളംകുളങ്ങരയിൽ സിപിഐ എം ജില്ലാ കമ്മിറ്റി അംഗം സി ശ്രീകുമാർ ഉണ്ണിത്താൻ ഉദ്ഘാടനംചെയ്‌തു. പ്രസന്ന സതീശ് അധ്യക്ഷയായി. നേതാക്കളായ സി എ അരുൺകുമാർ, എം സത്യപാലൻ, സി പ്രസാദ്, സി വി രാജീവ്, എ ശോഭ, പി ഓമന, സൈമൺ എബ്രഹാം എന്നിവർ സംസാരിച്ചു. ​പള്ളിപ്പാട് ജില്ലാ പഞ്ചായത്ത് ഡിവിഷൻ സ്ഥാനാർഥി കെ കാർത്തികേയനും ബ്ലോക്ക്, പഞ്ചായത്ത് സ്ഥാനാർഥികളും പങ്കെടുത്തു. പര്യടനം കരിക്കാട്ട് ജങ്ഷനിൽ സമാപിച്ചു. സമാപനസമ്മേളനം സിപിഐ ദേശീയ കൗൺസിലംഗം ടി ടി ജിസ്‌മോൻ ഉദ്ഘാടനംചെയ്‌തു.