"സനാതനികളുടെ ഹിന്ദുത്വ വഴികൾ' 
പുസ്‌തക സംവാദം

അമ്പലപ്പുഴ ​

സിപിഐ എം സംസ്ഥാന കമ്മിറ്റിയംഗം പി ജയരാജൻ രചിച്ച "സനാതനികളുടെ ഹിന്ദുത്വ വഴികൾ' എന്ന പുസ്‌തകം സംബന്ധിച്ച്‌ സംവാദം സംഘടിപ്പിച്ചു. വയലാർ രാമവർമ ഗ്രന്ഥശാല ആൻഡ്‌ വായനശാല സംഘടിപ്പിച്ച പരിപാടിയിൽ രചയിതാവ് പി ജയരാജൻ മുഖ്യപ്രഭാഷണം നടത്തി. ​ പറവൂർ ഇ എം എസ് കമ്യൂണിറ്റി ഹാളിൽ സംഘടിപ്പിച്ച സംവാദത്തിൽ മുതിർന്ന മാധ്യമപ്രവർത്തകൻ എം ജയചന്ദ്രൻ പുസ്തകാവതരണം നടത്തി. സിപിഐ എം ജില്ലാ സെക്രട്ടറിയറ്റംഗം എച്ച് സലാം മോഡറേറ്ററായി. ഏരിയ സെക്രട്ടറി സി ഷാംജി, എ ഓമനക്കുട്ടൻ, ആർ രാഹുൽ, കെ സി സേവ്യർകുട്ടി, കെ ബി അജയകുമാർ, ഗ്രന്ഥശാല പ്രസിഡന്റ്‌ വി ഉപേന്ദ്രൻ, സെക്രട്ടറി കെ മോഹൻ കുമാർ, എം പി ഗിരി പ്രസാദ് എന്നിവർ സംസാരിച്ചു.