ജനങ്ങളെ കേട്ടും സംവദിച്ചും 
സിപിഐ എം ഗൃഹസന്ദർശനം

കാർത്തികപ്പള്ളി ​

സിപിഐ എം സംഘടിപ്പിക്കുന്ന ഗൃഹസന്ദർശന പരിപാടിയുടെ രണ്ടാം ദിവസമായ വെള്ളിയാഴ്‌ച കാർത്തികപ്പള്ളി ഏരിയയിൽ സംസ്ഥാന- – ജില്ലാ നേതാക്കൾ ഗൃഹസന്ദർശനം നടത്തി. സിപിഐ എം സംസ്ഥാന കൺട്രോൾ കമീഷൻ ചെയർമാൻ അഡ്വ. കെ എച്ച് ബാബുജാൻ ചേപ്പാട് പഞ്ചായത്തിലെ 201-–ാം നമ്പർ ബൂത്തിൽ ഗൃഹസന്ദർശനം നടത്തി. സിപിഐ എം ജില്ലാ സെക്രട്ടറിയറ്റംഗം എം സത്യപാലൻ ഹരിപ്പാട് ടൗൺ സൗത്ത് ലോക്കൽകമ്മിറ്റി 99- നമ്പർ ബൂത്തിൽ ഗൃഹസന്ദർശനം നടത്തി. സിപിഐ എം ജില്ലാ കമ്മിറ്റിയംഗം ടി കെ ദേവകുമാർ ചിങ്ങോലി പഞ്ചായത്തിലെ 185- നമ്പർ ബൂത്തിലും സിപിഐ എം കാർത്തികപ്പള്ളി ഏരിയ സെക്രട്ടറി കെ വിജയകുമാർ മുതുകുളം പഞ്ചായത്തിലെ 162-–ാം നമ്പർ ബൂത്തിലും ഗൃഹസന്ദർശനം നടത്തി.

മാവേലിക്കര

ഏരിയയിൽ സിപിഐ എം നേതൃത്വത്തിൽ ഗൃഹസന്ദർശനം തുടരുന്നു. ജില്ലാ സെക്രട്ടറിയറ്റംഗം ജി ഹരിശങ്കർ തെക്കേക്കര ചൂരല്ലൂരിൽ ഗൃഹസന്ദർശനം നടത്തി. ജില്ലാ കമ്മിറ്റിയംഗങ്ങൾ കെ മധുസൂദനൻ 87–-ാം ബൂത്തിലും മുരളി തഴക്കര 34–-ാം ബൂത്തിലും കോശി അലക-്‌സ്‌ കറ്റാനം ഭരണിക്കാവ് തെക്ക് വാർഡിലും ലീല അഭിലാഷ് മാവേലിക്കര നഗരസഭ 19–-ാം വാർഡിലും എം എസ് അരുൺകുമാർ എംഎൽഎ തെക്കേക്കര ചെറുകുന്നം വാർഡിലും മാവേലിക്കര ഏരിയ സെക്രട്ടറി ജി അജയകുമാർ 93–-ാം ബൂത്തിലും ഭവനസന്ദർശനം നടത്തി.

കായംകുളം ​

സംസ്ഥാന സർക്കാരിന്റെ ഭരണ നേട്ടങ്ങൾ ജനങ്ങളിൽ എത്തിക്കാനും,ജനങ്ങളുടെ അഭിപ്രായങ്ങളും നിർദേശങ്ങളും കേൾക്കാനുമായി സിപിഐ എം നേതാക്കൾ വീടുകളിൽ എത്തി. സിപിഐ എം ജില്ലാ കമ്മിറ്റി അംഗം പി ഗാനകുമാർ പെരിങ്ങാലയിലെ 100-ാം ബൂത്തിൽ ഗൃഹ സന്ദർശനം നടത്തി. ഏരിയാ സെക്രട്ടറി ബി അബിൻഷാ കണ്ടല്ലൂർ പുതിയവിള മേഖലയിലെ 133-ാം ബൂത്തിലും ഗൃഹ സന്ദർശനം നടത്തി.