ചേർത്തല നഗരസഭ 2.27 ടൺ 
ഇ – മാലിന്യം ശേഖരിച്ചു

ചേർത്തല

സുസ്ഥിര മാലിന്യസംസ്​കരണം പ്രോത്സാഹിപ്പിക്കുന്നതിന്റെ ഭാഗമായി നഗരസഭ സംഘടിപ്പിച്ച രണ്ട് ദിവസത്തെ ഇ-–മാലിന്യ ശേഖരണയജ്ഞത്തിൽ 35 വാർഡിൽനിന്ന്​ 2270 കിലോഗ്രാം ഇലക്​ട്രോണിക് മാലിന്യം ശേഖരിച്ചു. നഗരസഭാധ്യക്ഷ ഷേർളി ഭാർഗവൻ ഉദ്ഘാടനംചെയ്​തു. നഗരനിവാസികളുടെ പങ്കാളിത്തമാണ് സംരംഭത്തിന്റെ വിജയത്തിന്​ പിന്നിലെന്ന് അധികൃതർ പറഞ്ഞു. ശേഖരിച്ച ഇ–-മാലിന്യത്തിന് പ്രതിഫലമായി 54,627 രൂപ വിതരണംചെയ്​തു. ​പാരിസ്ഥിതികാവബോധം വളർത്താനും മാലിന്യസംസ്​കരണ പ്രക്രിയയിൽ പ്രോത്സാഹനമേകാനും ഇത്​ സഹായകമായി. ശാസ്​ത്രീയ സംസ്​കരണം ഉറപ്പാക്കാൻ ശേഖരിച്ച ഇ–-മാലിന്യം ക്ലീൻകേരള കമ്പനിക്ക്​ കൈമാറി. മാലിന്യംവഹിച്ച വാഹനം നഗരസഭാധ്യക്ഷ ഫ്ലാഗ്​ഓഫ്​ ചെയ-്​തു.