ബാലസംഘം ലീഡേഴ്സ് ക്യാമ്പും 
ഹാപ്പിനസ് ഫെസ്‌റ്റും സമാപിച്ചു

തകഴി

ബാലസംഘം തകഴി ഏരിയ കമ്മിറ്റി സംഘടിപ്പിച്ച ഹാപ്പിനസ് ഫെസ്‌റ്റും ലീഡേഴ്സ് ക്യാമ്പും മങ്കൊമ്പ് തെക്കേക്കരയിൽ സമാപിച്ചു. രണ്ട്‌ ദിവസങ്ങളിലായി നടന്ന ലീഡർഷിപ്‌ ക്യാമ്പിന്റെ സമാപനസമ്മേളനം ബാലസംഘം ഏരിയ രക്ഷാധികാരി എ എസ്‌ അനിൽകുമാർ ഉദ്ഘാടനംചെയ-്‌തു. സ്വാഗതസംഘം ചെയർപേഴ്സൺ രജനി അജിത്കുമാർ ചടങ്ങിൽ അധ്യക്ഷയായി. ​ബാലസംഘം സ്ഥാപകനേതാവ് ഇ കെ നായനാർ അനുസ-്‌മരണം അപർണ നടത്തി. കെ ജി അരുൺകുമാർ, യശോദ സുകുമാരൻ, ബീന ബാബു എന്നിവർ ആശംസകൾ നേർന്നു. എസ്എസ്എൽസി പരീക്ഷയിൽ എല്ലാ വിഷയത്തിനും എ പ്ലസ് നേടിയ അഭിരാം കെ അഭിലാഷിനെ ചടങ്ങിൽ ആദരിച്ചു. ​വിവിധ സെഷനുകളിലായി അപർണ, സരയു, ആതിര, കൃഷ-്‌ണപ്രിയ, ടി മനു എന്നിവർ ക്ലാസുകൾ നയിച്ചു. ശ്രുതി ജയൻ അവതരിപ്പിച്ച സംഗീതവിരുന്നും ക്യാമ്പിന്റെ ഭാഗമായി നടന്നു. കൺവീനർ ടി മനു സ്വാഗതവും കെ പി അഭിലാഷ് നന്ദിയും പറഞ്ഞു.