കഞ്ചാവ്‌ ഒളിപ്പിച്ച ബാഗ്‌ പ്ലാറ്റ്‌ഫോമിൽ

ആലപ്പുഴ

കഞ്ചാവ്‌ ഒളിപ്പിച്ച ബാഗ്‌ റെയിൽവേ സ്​റ്റേഷനിൽ ഉപേക്ഷിക്കപ്പെട്ട നിലയിൽ കണ്ടെത്തി. ചൊവ്വ വൈകിട്ട്​ നാലിന്​ രണ്ടാംനമ്പർ പ്ലാറ്റ്ഫോമിൽ കണ്ട ബാഗിൽ​ ഒന്നരകിലോ കഞ്ചാവുണ്ടായിരുന്നു. ധൻബാദ്​ എക്സ്​പ്രസിൽ എത്തിച്ചതാണെന്നാണ്‌ പ്രാഥമികനിഗമനം. റെയിൽവേ പൊലീസ്​ എസ്​എച്ച്​ഒ ബിജോയ്​ കുമാറിന്റെ നേതൃത്വത്തിൽ പ്ലാറ്റ്​ഫോമിൽ നടത്തിയ പരിശോധനയിലാണ്​ ബാഗ്‌ കണ്ടെടുത്തത്​. രണ്ടാംപ്ലാറ്റ്​ ഫോമിലെ ഉപയോഗശൂന്യമായ പൊതുശുചിമുറിയോട്​ ചേർന്നാണ്​​ ബാഗ്​ വച്ചത്​. ക​ഴിഞ്ഞ ചൊവ്വാഴ്ചയും ആലപ്പുഴ റെയിൽവേ സ്റ്റേഷനിൽനിന്ന്​ 10കിലോ കഞ്ചാവ്​ പിടികൂടിയിരുന്നു. അന്ന്​ 20 ലാപ്​ടോപ്​ ബാഗുകളിൽ തുന്നിപിടിപ്പിച്ചാണ്​​​ 10 കിലോ കഞ്ചാവ്​ കടത്തിയത്​.​ പ്ലാറ്റ്​ഫോമിൽ സംശയാസ്‌പദമായ നിലയിൽ കണ്ടെത്തിയ ചാക്കുകെട്ടുകൾ പരിശോധിച്ചാണ്​ ​റെയിൽവേ പൊലീസ് കഞ്ചാവ്​ പിടികൂടിയത്​.