പെൻഷൻ അട്ടിമറിക്കാനുള്ള 
കേന്ദ്രസർക്കാർ തീരുമാനം പിൻവലിക്കണം

മാരാരിക്കുളം

പെൻഷൻ അട്ടിമറിക്കാനുള്ള കേന്ദ്രസർക്കാർ തീരുമാനം പിൻവലിക്കണമെന്ന് കേരള സ്റ്റേറ്റ് സർവീസ് പെൻഷനേഴ്സ് യൂണിയൻ ആര്യാട് ബ്ലോക്ക് വാർഷിക സമ്മേളനം ആവശ്യപ്പെട്ടു. സംസ്ഥാന കമ്മിറ്റിയംഗം എം വി സോമൻ ഉദ്ഘാടനംചെയ്തു. ബ്ലോക്ക് പ്രസിഡന്റ്‌ പി രാജഗോപാലൻ അധ്യക്ഷനായി. ഇന്ത്യൻ ജനാധിപത്യവും മതേതരത്വവും എന്ന വിഷയത്തിൽ കേരള സാഹിത്യ അക്കാദമി എക്സിക്യൂട്ടീവ് അംഗം ഡോ. സി ഉണ്ണികൃഷ്ണൻ പ്രഭാഷണം നടത്തി. സമ്മേളനത്തിൽ മുൻകാല നേതാക്കളെ ആദരിച്ചു. ജില്ലാ ജോ. സെക്രട്ടറി വി എസ് ചന്ദ്രശേഖരൻ, ജില്ലാ കമ്മിറ്റിയംഗങ്ങളായ എൻ രാമനാഥൻ, കെ ഹിരൺമയി, പി ബി കൃഷ്ണകുമാർ, ടി സക്കറിയ, ടി സുശീല, എം യശോധര, ബ്ലോക്ക്‌ സെക്രട്ടറി വി എം ജയമോഹനൻ , ട്രഷറർ ആർ ലക്ഷ്‌മണൻ എന്നിവർ സംസാരിച്ചു. ​ഭാരവാഹികൾ: പി രാജഗോപാലൻ (പ്രസിഡന്റ്‌), വി എം ജയമോഹനൻ (സെക്രട്ടറി), ആർ ലക്ഷ്മണൻ (ട്രഷറർ).