മീൻപിടിത്തവല കണ്ടെയ്‌നറിൽ 
കുരുങ്ങി നശിച്ചു

ഹരിപ്പാട്

മീൻപിടിത്തത്തിനിടെ വലയടക്കമുള്ള ഉപകരണങ്ങൾ കടലിന്റെ അടിത്തട്ടിൽ കിടന്ന കണ്ടെയ്നറിൽ കുരുങ്ങി നശിച്ചു. ആറാട്ടുപുഴ കള്ളിക്കാട് കുറുങ്ങാട്ട് വിനോദിന്റെ "പൊന്നുതമ്പുരാൻ' എന്ന വള്ളത്തിലെ വലയും അനുബന്ധ സാമഗ്രികളുമാണ് തകർന്നത്. ശനിയാഴ-്‌ച അഴീക്കൽ പടിഞ്ഞാറു ഭാഗത്തായിരുന്നു സംഭവം. 800 കിലോഗ്രാമോളം വല, റോപ്പ്, ഈയക്കട്ടികൾ എന്നിവ നശിച്ചു. ഏഴുലക്ഷത്തോളം രൂപയുടെ നഷ-്‌ടമുണ്ടായതായി വിനോദ് ആറാട്ടുപുഴ മൽസ്യഭവനിൽ നൽകിയ പരാതിയിൽ അറിയിച്ചു.