സ്മരണകളില്‍ ബാപ്പുജി

കഞ്ഞിക്കുഴി
എസ്എൽ പുരം ഗാന്ധി സ്മാരക ഗ്രാമസേവാ കേന്ദ്രത്തിൽ മഹാത്മാഗാന്ധിയുടെ 157 മത് ജയന്തി ദിനം വിവിധ പരിപാടികളോടെ ആഘോഷിച്ചു. സർവമത പ്രാർഥനയോടെ ആരംഭിച്ച സമ്മേളനം പി പി ചിത്തരഞ്ജൻ എംഎൽഎ ഉദ്ഘാടനംചെയ്തു. പ്രസിഡന്റ് രവി പാലത്തുങ്കൽ അധ്യക്ഷനായി. ആകാശവാണി മുൻ ഡയറക്ടർ ഡി പ്രദീപ്കുമാർ ഗാന്ധിജി അനുസ്മരണ പ്രഭാഷണം നടത്തി. പ്രദീപ്കുമാർ രചിച്ച മഹാത്മാവിന്റെ വഴിയിൽ എന്ന പുസ്തകം മാരാരിക്കുളം വടക്ക് പഞ്ചായത്ത് പ്രസിഡന്റ് ജെസി ജോസി പ്രകാശിപ്പിച്ചു. കാലടി സംസ്കൃത സർവകലാശാല പ്രൊഫ.ഡോ. ബിച്ചു എക്സ് മലയിൽ പുസ്തകം ഏറ്റുവാങ്ങി. ഹൈക്കൺ ഇന്ത്യ ലിമിറ്റഡ് ഗാന്ധി സ്മാരക ഗ്രാമസേവാ കേന്ദ്രത്തിന് സ്പോൺസർ ചെയ്യുന്ന രണ്ട് ഇലക്ട്രിക് ഓട്ടോറിക്ഷകൾ ഹൈക്കൻ ഇന്ത്യ ലിമിറ്റഡ് എക്സിക്യൂട്ടീവ് ഡയറക്ടർ ജോർജ് ക്രിസ്റ്റോ കൈമാറി . ഗാർഹിക ഊർജ സംരക്ഷണത്തിന്റെ പ്രായോഗിക മാർഗനിർദേശങ്ങൾ എന്ന വിഷയത്തിൽ എൻജിനീയറും എനർജി മാനേജരുമായ സുമേഷ് പവിത്രൻ ക്ലാസ് നയിച്ചു. പഞ്ചായത്ത് അംഗം മാലൂർ ശ്രീധരൻ, ഗാന്ധി സ്മാരക ഗ്രാമസേവാ കേന്ദ്രം ജനറൽ സെക്രട്ടറി പി എസ്‌ മനു, ട്രഷറർ പി ശശി , ഹൈ ഇന്ത്യ ലിമിറ്റഡ് ഫിനാൻസ് മാനേജർ ആൻസി ജോർജ്, സീനിയർ മാനേജർ ആർ രഞ്ജിത്ത്, സർവീസ് മാനേജർ ആനി ബേബി തുടങ്ങിയവർ സംസാരിച്ചു. തണ്ണീർമുക്കം തണ്ണീർമുക്കം രഞ്ജിത് മെമ്മോറിയൽ ലൈബ്രറി ഗാന്ധിജയന്തി ആഘോഷവും ഗാന്ധി സിനിമാപ്രദർശനവും താര സംഘടന അമ്മയുടെ വൈസ്‌ പ്രസിഡന്റ് ജയൻ ചേർത്തല ഉദ്‌ഘാടനംചെയ്തു. പ്രസിഡന്റ്‌ കെ ജി ഭാസ്‌കർ അധ്യക്ഷനായി. സെക്രട്ടറി സാംജു സന്തോഷ്, ഡോ. മോഹന കുമാരി, ബേബി തോമസ് എന്നിവർ സംസാരിച്ചു.