ലോക പഞ്ചഗുസ്‌തിയിൽ ഇരട്ടസ്വർണം: കെ എസ് വൈശാഖിന് അഭിനന്ദനം

ആലുവ

ഗോവയിൽ നടന്ന മാസ്റ്റേഴ്സ് വേൾഡ് ആം റസ്‌ലിങ്‌ ചാമ്പ്യൻഷിപ് 60 കിലോയിൽ ഇടത് വലത് കൈകൾ മത്സരങ്ങളിൽ ഇരട്ട സ്വർണമെഡൽ നേടിയ കോടനാട് പൊലീസ് സ്റ്റേഷനിലെ സീനിയർ സിപിഒ കെ എസ് വൈശാഖിനെ റൂറൽ ജില്ലാ പൊലീസ് മേധാവി കെ എസ് സുദർശൻ അഭിനന്ദനപത്രം നൽകി അനുമോദിച്ചു.

പെരുമ്പാവൂർ എഎസ്‌പി ഹാർദിക് മീണ, സ്പെഷ്യൽ ബ്രാഞ്ച് ഡിവൈഎസ്‌പി ബിജോയ് ചന്ദ്രൻ എന്നിവർ സംസാരിച്ചു. ഓൾ ഇന്ത്യാ പൊലീസ് മീറ്റിലും ദേശീയ മാസ്‌റ്റേഴ്സ് മീറ്റിലും ഇതേ ഇനത്തിൽ കെ എസ് വൈശാഖ് മെഡലുകൾ നേടിയിട്ടുണ്ട്.