സിപിഐ എം ബഹുജനമാർച്ച്‌ നടത്തി

പറവൂർ

പൊലീസിന്റെ കോൺഗ്രസ് പ്രീണനത്തിലും എസ്എഫ്ഐ, ഡിവൈഎഫ്ഐ പ്രവർത്തകർക്കെതിരായ പൊലീസ് അതിക്രമങ്ങളിലും പ്രതിഷേധിച്ച് സിപിഐ എം പറവൂർ ഏരിയ കമ്മിറ്റിയുടെ നേതൃത്വത്തിൽ ബഹുജനമാർച്ചും പൊതുസമ്മേളനവും നടത്തി.

ജില്ലാ സെക്രട്ടറി എസ് സതീഷ് ഉദ്ഘാടനം ചെയ്തു. ഏരിയ കമ്മിറ്റി അംഗം ടി ആർ ബോസ് അധ്യക്ഷനായി. സംസ്ഥാന കമ്മിറ്റി അംഗം എസ് ശർമ, എരിയ സെക്രട്ടറി ടി വി നിധിൻ, ജില്ലാ കമ്മിറ്റി അംഗം പി എസ് ഷൈല, കെ എ വിദ്യാനന്ദൻ, പി പി അജിത്‌കുമാർ എന്നിവർ സംസാരിച്ചു.