പെരുമ്പാവൂർ ഉപജില്ലാ കലോത്സവ ലോഗോ പ്രകാശിപ്പിച്ചു

പെരുമ്പാവൂർ

അറുപത്തിയഞ്ചാമത്‌ ഉപജില്ലാ സ്കൂൾ കലോത്സവം വളയൻചിറങ്ങര ഹയർ സെക്കൻഡറി സ്കൂളിൽ നവംബർ 2 മുതൽ 6 വരെ നടക്കുന്നതിന്റെ ഔപചാരിക ലോഗോ മനോജ് മൂത്തേടൻ എംഎൽഎ പ്രകാശിപ്പിച്ചു.

വളയൻചിറങ്ങര ഹയർ സെക്കൻഡറി സ്കൂൾ പത്താം ക്ലാസ് വിദ്യാർഥി വി അഭിമന്യു രൂപകൽപ്പനചെയ്ത ലോഗോയാണ് ഈ വർഷം തെരഞ്ഞെടുക്കപ്പെട്ടത്.

ചടങ്ങിൽ മഴുവന്നൂർ പഞ്ചായത്ത് പ്രസിഡന്റ് മിനി മോഹൻദാസ് അധ്യക്ഷയായി. വടവുകോട് ബ്ലോക്ക് പഞ്ചായത്ത് പ്രസിഡന്റ് അമൃത സനൂപ്, എഇഒ കെ ബി സജീവ്, ജി ആനന്ദകുമാർ, എൻ ആർ അജിത്ത്, ആർ പ്രീത, എം കെ മദനമോഹനൻ തുടങ്ങിയവർ സംസാരിച്ചു.